भाजी फक्त पोहोचवत नाही…
तुमच्यासाठी निवडून देतो.

आईचा अनुभव.
मुलाचा नवा विचार.

घरासाठी भाजी घेताना आईची एक साधी सवय — प्रत्येक भाजी पाहायची, तपासायची आणि चांगली असेल तरच घ्यायची. मेथी किंवा पालक असेल तर तो हाताने निवडून, अनावश्यक भाग वेगळा करून ठेवायचा.

याच घरच्या सवयीमधून “कुंभार भाजीवाले.com”ची कल्पना तयार झाली. वाढत्या धावपळीत ग्राहकासाठी फक्त भाजी पोहोचवायची नाही, तर ती निवडण्याची काळजीही घ्यायची, असं आम्ही ठरवलं.

आज शेतकरी व मार्केट यार्डमधून ताजी आवक, काळजीपूर्वक निवड आणि घरपोच सेवा यांतून प्रत्येक घराच्या रोजच्या जेवणाशी जोडलेली जबाबदारी आम्ही जपतो.